പ്രവാസികളായ സർക്കാർ ജീവനക്കാരുടെ സൗജന്യ ചികിത്സ സംബന്ധിച്ച നിയമത്തില്‍ മാറ്റം. സൗജന്യ ചികിത്സയില്‍നിന്ന് ഒഴിവാക്കിയ രോഗങ്ങളുടെയും ശസ്ത്രക്രിയകളുടെയും പുതുക്കിയ പട്ടിക തൊഴില്‍ മന്ത്രി ഞായറാഴ്ച പുറത്തിറക്കി. മുഴുവന്‍ സമയ ജീവനക്കാര്‍ക്കും കരാര്‍ ജീവനക്കാര്‍ക്കും ഇത് ബാധകമാണെന്ന് സൗജന്യ ചികിത്സ സംബന്ധിച്ച സിവില്‍ സര്‍വിസസ് നിയമത്തിെന്‍റ ചട്ടം ഭേദഗതി ചെയ്തുള്ള ഉത്തരവില്‍ പറയുന്നു. നിരവധി രോഗങ്ങള്‍ പുതിയ പട്ടികയില്‍ കൂട്ടിച്ചേര്‍ത്തിട്ടുണ്ട്.
ഹൃദയത്തിന്റെ എല്ലാതരം രോഗങ്ങളുമായി ബന്ധപ്പെട്ട പരിശോധനയും തെറാപ്യൂട്ടിക്ക് കത്തീറ്റര്‍ ചികിത്സയും, ഹൃദയ ശസ്ത്രക്രിയ, ലങ്സ് ഫൈബ്രോസിസ്, മള്‍ട്ടിപ്പിള്‍ സ്ക്ലിറോസിസ്, മുഖക്കുരു, അറ്റന്‍ഷന്‍ ഡെഫിസിറ്റ് ഹൈപ്പര്‍ ആക്ടിവിറ്റി ഡിസ് ഒാര്‍ഡര്‍, സ്കിസോഫ്രീനിയ, അള്‍ൈഷമേഴ്സ്, മെറ്റബോളിക്ക് രോഗങ്ങള്‍, എല്ലാ ഡെന്‍റല്‍ സേവനങ്ങളും ചികിത്സയും എന്നിവ പട്ടികയില്‍ ഉള്‍പ്പെട്ടിട്ടുണ്ട്. നേരത്തേ അവയവദാനം, ഹൃദയ ശസ്ത്രക്രിയ, കാന്‍സറസ് ട്യൂമര്‍, എല്ലാതരം ഹെപ്പറ്റൈറ്റിസ് തുടങ്ങി 11 ഇനം രോഗങ്ങളാണ് പട്ടികയിലുണ്ടായിരുന്നത്.
സൗജന്യമായി നല്‍കുന്നതില്‍ നിന്ന് ഒഴിവാക്കിയ മരുന്നുകളുടെ പട്ടികയും പുതുക്കിയിട്ടുണ്ട്. വാതരോഗം, സൊറിയാസിസ്, ആസ്ത്മ, റെറ്റിനോപ്പതി, ഇന്‍സുലിന്‍ പോലുള്ള പ്രമേഹ മരുന്നുകള്‍, വൃക്ക തകരാര്‍ ആയവര്‍ക്ക് ഡയാലിസിസിന് മുമ്ബുള്ള മരുന്നുകള്‍, മോട്ടോർ നെര്‍വ് ചികിത്സക്കായുള്ള ബോട്ടുലിനം മരുന്ന് എന്നിവ ഇനി സൗജന്യമായി ലഭിക്കില്ല.
