കേരളത്തില്‍ ഹര്‍ത്താല്‍ പ്രതീതി; ദേശീയ പണിമുടക്ക് പൂർണം

0
105

കേന്ദ്ര ഗവൺമെന്റെ  നയങ്ങള്‍ക്കെതിരെ സംയുക്ത തൊഴിലാളി യൂണിയനുകൾ  ആഹ്വാനം ചെയ്ത ദേശീയ പണിമുടക്ക് ആരംഭിച്ചു. തൊഴിലാളി സംഘടനകളുടെ സംയുക്ത കൂട്ടായ്മ പ്രഖ്യാപിച്ച പണിമുടക്ക് സംസ്ഥാനത്ത് പൂര്‍ണമാണ്. നി​ര​ത്തി​ല്‍ സ്വ​കാ​ര്യ-​കെ​.എ​സ്.ആ​ര്‍​.ടി​.സി ബ​സു​ക​ള്‍ ഓ​ടു​ന്നി​ല്ല, കടകമ്ബോളങ്ങള്‍ അടഞ്ഞുകിടക്കുകയാണ്. ബാ​ങ്ക് എം​പ്ലോ​യീ​സ് ഫെ​ഡ​റേ​ഷ​ന്‍ ഓ​ഫ് ഇ​ന്ത്യ, കെ.​എ​സ്.ആ​ര്‍​.ടി​.സി, ബി​.എ​സ്.എ​ന്‍​.എ​ല്‍ ജീ​വ​ന​ക്കാ​രും പ​ണി​മു​ട​ക്കി​ല്‍ പ​ങ്കെ​ടു​ക്കും.

തൊഴില്‍ കോഡ് പിന്‍വലിക്കുക, ആദായനികുതിദായകരല്ലാത്ത എല്ലാ കുടുംബത്തിനും പ്രതിമാസം 7500 രൂപ വീതം നല്‍കുക. എല്ലാവര്‍ക്കും 10 കിലോ ഭക്ഷ്യധാന്യം സൗജന്യമായി നല്‍കുക, കര്‍ഷക ദ്രോഹ നിയമങ്ങള്‍ പിന്‍വലിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് തൊഴിലാളി യൂണിയന്റെ   പണിമുടക്ക്. ബുധനാഴ്ച രാ​ത്രി 12നാ​ണ് പ​ണി​മു​ട​ക്ക് ആ​രം​ഭി​ച്ച​ത്. ടൂറിസം മേഖല, പാല്‍ പത്ര വിതരണം, ആശുപത്രി എന്നിവയെ പണിമുടക്കില്‍ നിന്ന് ഒഴിവാക്കിയിട്ടുണ്ട്. തെരഞ്ഞെടുപ്പ് കമീഷന്‍ ഓഫിസുകളുടെ പ്രവര്‍ത്തനങ്ങളെയും ഉദ്യോഗസ്ഥരുടെ അവശ്യ യാത്രകളെയും പണിമുടക്ക് ബാധിക്കില്ല. ശബരിമല തീര്‍ഥാടകരെ പണിമുടക്കില്‍ നിന്ന് ഒഴിവാക്കിയിട്ടുണ്ട്.

സം​സ്ഥാ​ന​ത്ത് ഒ​ന്ന​ര കോ​ടി​യി​ലേ​റെ ജ​ന​ങ്ങ​ള്‍ പ​ണി​മു‌​ട​ക്കി​ല്‍ പ​ങ്കാ​ളി​ക​ളാ​കു​മെ​ന്ന് സം​യു​ക്ത സ​മ​ര​സ​മി​തി അ​റി​യി​ച്ചു. പ​ത്ത് ദേ​ശീ​യ സം​ഘ​ട​ന​ക​ള്‍​ക്കൊ​പ്പം സം​സ്ഥാ​ന​ത്തെ 13 തൊ​ഴി​ലാ​ളി സം​ഘ​ട​ന​ക​ളും പ​ണി​മു​ട​ക്കി​ല്‍ അ​ണി​ചേ​രു​ന്നു​ണ്ട്.  ഐ​ന്‍​ടി​യു​സി, എ​ഐ​ടി​യു​സി, ഹി​ന്ദ് മ​സ്ദൂ​ര്‍ സ​ഭ, സി​ഐ​ടി​യു, ഓ​ള്‍ ഇ​ന്ത്യ യു​ണൈ​റ്റ​ഡ് ട്രേ​ഡ് യൂ​ണി​യ​ന്‍ സെ​ന്‍റ​ര്‍, ട്രേ​ഡ് യൂ​ണി​യ​ന്‍ കോ​ര്‍​ഡി​നേ​ഷ​ന്‍ സെ​ന്‍റ​ര്‍, സെ​ല്‍​ഫ് എം​പ്ലോ​യ്ഡ് വി​മി​ന്‍​സ് അ​സോ​സി​യേ​ഷ​ന്‍, ഓ​ള്‍ ഇ​ന്ത്യ സെ​ന്‍​ട്ര​ല്‍ കൗ​ണ്‍​സി​ല്‍ ഓ​ഫ് ട്രേ​ഡ് യൂ​ണി​യ​ന്‍​സ്, ലേ​ബ​ര്‍ പ്രോ​ഗ്ര​സീ​വ് ഫെ​ഡ​റേ​ഷ​ന്‍ എ​ന്നീ സം​ഘ​ട​ന​ക​ള്‍ ചേ​ര്‍​ന്നാ​ണ് പ​ണി​മു​ട​ക്കി​ന് ആ​ഹ്വാ​നം ചെ​യ്തി​രി​ക്കു​ന്ന​ത്.