ഇപ്പോളത്തെ കാലത്ത് എല്ലാംവരും തിരക്കിലാണ് അതുകൊണ്ട് തന്നെ വൈകിയുറക്കം പതിവായിരിക്കും. ഇത് നിങ്ങളെ രോഗിയാക്കാന് വഴിയൊരുക്കും. ഓര്മക്കുറവ്, ഏകാഗ്രതക്കുറവ്, പ്രമേഹം, പൊണ്ണത്തടി, ചര്മരോഗങ്ങള്, കരള്രോഗങ്ങള് എന്നിവ വലിയതോതില് വര്ധിക്കുന്നതിന് കാരണം ഉറക്കുറവാണെന്നാണ്പഠനങ്ങള് സൂചിപ്പിക്കുന്നത്.
![Sleeping](https://thenewsglobe.in/wp-content/uploads/2020/12/Sleeping.jpg)
അനാവശ്യ ഭക്ഷണം, വിശ്രമമില്ലായ്മ, വ്യായാമമില്ലായ്മ, മാനസികസമ്മര്ദം, രാസവസ്തുക്കളുടെ ഉപയോഗം തുടങ്ങി നിരവധി കാരണങ്ങളാണ് ആധുനികകാലത്തെ ജീവിതശൈലീ രോഗങ്ങള്ക്ക് കാരണമായി ചൂണ്ടിക്കാണിക്കാനുള്ളത്. ഇതില് പ്രധാനപ്പെട്ട ഒന്നാണ് ഉറക്കക്കുറവ്. പ്രായപൂര്ത്തിയായ ഒരാള് ദിവസവും ചുരുങ്ങിയത് ഏഴ്-എട്ട് മണിക്കൂര് ഉറങ്ങണം.
![pjimage](https://thenewsglobe.in/wp-content/uploads/2020/12/pjimage.jpg)
ഉറക്കത്തിന്റെ ദൈര്ഘ്യം കുറഞ്ഞാല് അത് ശരീരത്തിന്റെ മറ്റ് പ്രവര്ത്തനങ്ങള് (Metabolism) ബാധിക്കും. ഹൃദയം, കരള്, വൃക്കകള്, ശ്വാസകോശം തുടങ്ങിയ ആന്തരികാവയവങ്ങളുടെ പ്രവര്ത്തനങ്ങള് ഏകോപിക്കുന്നതിന് തലച്ചോറിന് തുടര്ച്ചയായി എട്ട് മണിക്കൂറെങ്കിലും ഇടവിടാതുള്ള വിശ്രമം ആവശ്യമാണ്.
![sleep_759-1](https://thenewsglobe.in/wp-content/uploads/2020/12/sleep_759-1.jpg)
കരള് അതില് അടിഞ്ഞുകൂടിയിട്ടുള്ള വിഷാംശങ്ങള് ശുദ്ധീകരിക്കുന്നത് രാത്രിയാണ്. ഉറക്കം തകരാറിലാകുമ്പോൾ ഇവയുടെയെല്ലാം താളം തെറ്റുകയും തുടര്ച്ചയായ ഉറക്കപ്രശ്നങ്ങള് ശരീരത്തെ രോഗങ്ങളിലേക്ക് നയിക്കുകയും ചെയ്യും. വിട്ടുമാറാത്ത തലവേദന, മൈഗ്രേന്, ദഹനപ്രശ്നങ്ങള്, കുടലിലെ അള്സര്, അകാലവാര്ധക്യം, ലൈംഗികശേഷിക്കുറവ്, അമിതകോപം തുടങ്ങിയ രോഗങ്ങളും ഉറക്കമില്ലായ്മയുടെ പാര്ശ്വഫലങ്ങളാണ്.