ചു​വ​ന്ന ഗ്രഹം ഭൂമിയുടെ അടുത്തേക്ക് എത്തി കൊണ്ടിരിക്കുന്നു.

0
86
Earth-Mars.new
Earth-Mars.new

സൂര്യനില്‍ നിന്നുള്ള ദൂരം മാനദണ്ഡമാക്കിയാല്‍ സൗരയൂഥത്തിലെ നാലാമത്തെ ഗ്രഹമാണ് ചൊവ്വ. ഉപരിതലത്തില്‍ ധാരാളമായുള്ള ഇരുമ്ബ് ഓക്സൈഡ് കാരണമായി ചുവന്ന നിറത്തില്‍ കാണപ്പെടുന്നതിനാല്‍ ഇതിനെ ചുവന്ന ഗ്രഹം എന്നും വിളിക്കാറുണ്ട്. റോമന്‍ യുദ്ധദേവനായ മാര്‍സിന്റെ പേരാണ് പാശ്ചാത്യര്‍ ഇതിനു കൊടുത്തിരിക്കുന്നത്‌.

Venus-and-Mars
Venus-and-Mars

സൗ​ര​യൂ​ഥ​ത്തി​ലെ ചു​വ​ന്ന ഗ്ര​ഹ​മാ​യ ചൊ​വ്വ ഭൂ​മി​യോ​ട് കൂ​ടു​ത​ല്‍ അ​ടു​ത്തെ​ത്തുമെന്ന് വാ​ന​നി​രീ​ക്ഷ​ണ കേ​ന്ദ്രം. ഒ​ക്ടോ​ബ​ര്‍ ആ​റി​നാ​ണ് ഭൂ​മി​യോ​ട് ഏ​റ്റ​വും അ​ടു​ക്കു​കയെന്നും. രാ​വി​ലെ അ​ഞ്ച് വ​രെ കാ​ണാമെന്നും പ​യ്യ​ന്നൂ​ര്‍ വാ​ന​നി​രീ​ക്ഷ​ണ കേ​ന്ദ്രം ഡ​യ​റ​ക്ട​ര്‍ ഗം​ഗാ​ധ​ര​ന്‍ വെ​ള്ളൂ​ര്‍ അ​റി​യി​ച്ചു.

ഭൂ​മി​യി​ല്‍ നി​ന്ന് 62,170,871 കി​ലോ​മീ​റ്റ​ര്‍ അ​ക​ല​മാ​കും ഉ​ണ്ടാ​വു​ക. ച​ന്ദ്ര​ന്‍റെ തൊ​ട്ടു​മു​ക​ളി​ലാ​ണ് (പ​ടി​ഞ്ഞാ​റ്‌) ചൊ​വ്വ​യു​ടെ സ്ഥാ​നം. രാ​ത്രി എ​ട്ടോടെ നി​രീ​ക്ഷി​ക്കാ​ന്‍ ക​ഴി​യു​ന്ന ഉ​യ​ര​ത്തി​ലെ​ത്തും. മുമ്പ​ത്തേ​ക്കാ​ള്‍ വ്യ​ക്ത​മാ​യി ചൊ​വ്വ​യെ കാ​ണാ​ന്‍ ക​ഴി​യുമെന്നും ഡി​സം​ബ​ര്‍ വ​രെ ചൊ​വ്വ​യു​ടെ പ​ടി​ഞ്ഞാ​റു​വ​ശ​ത്ത് വ്യാ​ഴ​ത്തെ​യും ശ​നി​യെ​യും കാ​ണാ​ന്‍ ക​ഴി​യുമെന്ന് അദ്ദേഹം വ്യക്തമാക്കി.

Earth_large
Earth_large

നേരിയ അന്തരീക്ഷത്തോടുകൂടിയുള്ള ഒരു ഭൗമഗ്രഹമാണ് ചൊവ്വ, ഉപരിതലത്തില്‍ ചന്ദ്രനിലേത് പോലെ ഉല്‍ക്കാ ഗര്‍ത്തങ്ങളുണ്ടെന്നതിനു പുറമേ അഗ്നിപര്‍വ്വതങ്ങള്‍, താഴ്‌വരകള്‍, മരുഭൂമികള്‍, ഭൂമിക്കു സമാനമായി ധ്രുവങ്ങളില്‍ മഞ്ഞുപാളികള്‍ എന്നിവയും കാണപ്പെടുന്നു. പക്ഷെ ടെക്റ്റോണിക് പ്രവര്‍ത്തനങ്ങളുടെ സാന്നിധ്യമില്ലാതെ ഭൂമിശാസ്ത്രപരമായി സജീവമല്ലാത്ത അവസ്ഥയാണ് ചൊവ്വക്കുള്ളത്.

Earth mars
Earth mars

അറിയപ്പെടുന്നതില്‍ വച്ച്‌ സൗരയൂഥത്തിലെ ഏറ്റവും വലിയ പര്‍വ്വതം ചൊവ്വയിലെ ഒളിമ്ബസ് മോണ്‍സ് ആണ്, അതുപോലെ എറ്റവും വലിയ മലയിടുക്ക് ഈ ഗ്രഹത്തിലെ വാലെസ് മറൈനെറിസ് ആണ്. ഗ്രഹോപരിതലത്തിന്റെ 40 ശതമാനത്തോളം വരുന്ന ഉത്തരാര്‍ദ്ധഗോളത്തിലെ നിരപ്പായ ബൊറീലിസ് തടം ഒരു വലിയ ഉല്‍ക്കാപതനം മൂലമുണ്ടായ ഒന്നാണെന്ന് അനുമാനിക്കപ്പെടുന്നു.